Атырау облыстық, «Иманғали» орталық мешітінде жастар және жалпы келуші жамағат арасында діни сауаттылықты жетілдіру мақсатында екі айлық кешкі діни сауат ашу курсы 29-қыркүйектен бастау алды.

Дәрістер аптаның дүйсенбі, сейсенбі, жұма, жексенбі күндері ақшам мен құптан намазының аралығында жүргізіледі. Онда Құран әліппесі (тәжуид); ислам ғибадаты; ислам әдебі; сияр (Пайғамбар өмір баяны) дәрістері оқытылады.

ҚМДБ-ның Атырау облысы бойынша өкілі, «Иманғали» орталық мешітінің бас имамы Батыржан Берденұлы алғашқы дәрісті өзі жүргізді.  Жамағаттың діни білімін арттыруға «Әт-Тақуа» мешітінің наиб имамы, дінтанушы Қанат Жұмағұл және «Иманғали» орталық мешітінің наиб имамы Қайырбек Отызбаев ұстаздық ететін болады.

«Білім − инемен құдық қазғандай» демекші, аталмыш сауат ашу курсында білім алуға ниет еткендердің жас шамасы алуан түрлі және олардың саны күн санап артуда.

«Иманғали» орталық мешітінің 
баспасөз қызметі