Астана қаласы «Сәдуақас қажы Ғылмани» мешіті қала зейнеткерлеріне арнап, «Түркістан» мейрамханасында қарттар күні мен қасиетті құрбан айт мерекесіне орай дастархан жайды. «Түркістан» мейрамханасында өткен игілікті іс-шараға Үкіметтік және үкіметтік емес ұйым өкілдері, Алматы және Есіл аудандарында тұратын зейнеткерлер мен ардагерлер қатысты. 

Іс-Шара аясында С. Ғылмани мешітінің Бас имамы Жұманазар Садырханов еліміздің өркендеп, дамуы жолында маңдай терін төккен қазыналы қарттарды атаулы мерекелерімен құттықтады. Сондай-ақ, асыл дініміздің қарттарды құрметтеуге, аялауға шақыратын арда құндылықтарын тілге тиек еткен Бас имам жалынды жастық шағын отанымыздың гүлденуіне арнаған қарттарымызды құрметтеудің маңызына тоқталды. Іс-шараға қатысқан қарияларға ҚМДБ-ның төрағасы, Бас мүфти Ержан қажы Малғажыұлының «Дін мен дәстүр» атты кітабы сыйға тартылды.

Қазыналы қарттар «Сәдуақас қажы Ғылмани» мешітінің қызметкерлеріне өз ризашылықтарын білдіріп, тарқасты.