ҚМДБ-ның Маңғыстау облысындағы өкіл имамы С.Сейтбеков өңірдегі зиярат орындары Бекет ата, Шопан ата мазарларына барып, сол жердегі зияратшы қауыммен жүздесті. 

Бас имам қабір зияраты кезінде үлкен күнәларды жасамау, құрбандық малдарын Аллаға арнап сою жайында уағыз насихат айтты.  Сондай-ақ,зияратшылардың сұрауы бойынша  зиярат ету кезінде оқылатын дұғалар, өлілерге баратын сауаптар туралы кеңінен түсіндірілді.

Өкіл имам жұртшылықпен бірге зиярат ету рәсімдерін жасап, Маңғыстау бойын мекендеп,  Аллаға  құлшылық жасап,  өнегелі өмір сүрген діндар ата бабалардың рухына Құран оқыды.

Маңғыстау облыстық орталық мешітінің
баспасөз қызметі