Ұлық ғибадат – қажылық кезіне тура келген бұл ай, әсіресе, алғашқы он күні  – Алла Тағаланың мейірім-шапағатының ерекше асып-таситын уақыты. Бұл жайында қасиетті Құран аяттары мен пайғамбар хадистерінде көптен мысалдар келтіріледі. «Қадырменді ағайын. Міне, айдан айға, жылдан жылға бір Алланың мейірім-рахымымен ел іргесі тыныш, басымыз аман, бауырымыз бүтін жетіп, күн кешудеміз. Есімі әлемге мәшһүр  Ибн Хажар сахих Бухариге шарх жазған Фатхуль-Барий  кітабында: «Зуль-Хижжаның он күнінің ерекшеленген себебі — өйткені бұл уақытта құлшылықтардың негіздері болған; намаз, ораза, садақа (зекет) және қажылық бір мезгілде жыйналғандығы үшін, бұл құлшылықтар басқа уақыттарда бірдей келмейді»дейді. Яғни, тек Зүлхиджа айында ғана  аталған ғибадаттардың бастары бірігіп, тоғысады, басқа уақыттарда ондай емес. Демек, басқа айларда намаз, ораза, зекет садақа секілді құлшылықтарды жасауыңыз мүмкін, алайда қажылық ғибадатын жасай алмайсыз. Ал, Зүлхиджа айында намаз, ораза, зекет, садақа, қажылық секілді ғибадаттардың барлығын жасауға мүмкіншілік беріледі» деген өкіл имам бұл сөзін атақты Құран тәпсіршісі Ибн Кәсир Ибн Аббастың тәпсірімен жалғап, Зулхиджа айының алғашқы он түні де күндізі секілді қадір-қасиетке толы екендігін айтты.

Бас имамның уағызына ұйыған жамағат бұдан соң көкейде жүрген сауалдарын қойып, тұщымды жауаптарын алды.