Алматы қаласы мешіттерінің ұйымдастыруымен әр түрлі бағыттарда көптеген қайырымдылық шаралар өтуде.

Солардың бірі 2014 жылы қыркүйек айының 23-і күні қаламызда орналасқан Алматы қаласы білім басқармасының мамандандырылған «ЖАНҰЯ» кешенді комуналдық мемлекеттік мекемесіне «Таугүл-3» мешітінен қайырымдылық көмек беріліп, балалар үйінің тәрбиешілеріне және бүлдіршіндерге асыл дініміздің құндылықтары жайында үгіт-насихат жүргізілді.

Мекеме басшысы Ләззат Аскерғалиқызы өз кезегінде дін қызметкерлеріне алғысын айтып, осындай игі шаралар жиі болып тұруына тілектестігін білдірді.