ҚМДБ-ның Атырау облысы бойынша өкілі, "Иманғали" орталық мешітінің бас имамы Батыржан Мансұров қала имамдарының басын қосып, жиын өткізді.

Күн тәртібінде өзге дәстүрлі емес діни ағымның жетегінде кеткен бауырлармен жұмыс жасау;
- мешіт тарапындағы уағыз-насихат жұмыстарын жандандыру;
- қайырымдылық іс-шараларын жиі өткізу;
- діни сауат ашу курсын ілгерілету;
- жергілікті бұқаралық ақпарат құралдарымен тығыз жұмыс жасау;
- қажылық сапарына баратын адамдарға қажетті ақпараттар мен бағыт-бағдар беру жайы талқыланды.

Сонымен қатар, өкіл имам Б.Берденұлы дін қызметкерлеріне артылар жүктің жеңіл емес екенін айта келіп, алда атқарылар жұмыстарға ықтияпен қарауға шақырды. Сондай-ақ, халыққа жасалып жатқан түрлі қайырымдылық шаралардың кезекті науқан шеңберінде қалмай, аз болса да оның жалғасымды болу керектігін атады. Жиын соңында қала имамдарына біршама тапсырмалар жүктелді.

«Иманғали» орталық мешітінің
баспасөз қызметі