Орал қалалық мешітінің ұйымдастыруымен «Шаңырақ» жасөспірімдер үйінде бір топ кәсіпкерлердің қолдауымен әлеуметтік аз қамтылған және көп балалы отбасылардан шыққан оқушылар, ата-анасының қамқорлығынсыз қалған, мүмкіндігі шектеулі балаларға материалдық қолдау көрсету, жаңа оқу жылына дайындықтарын жеңілдету мақсатында «Мектепке жол» қайырымдылық шарасы өткізілді.

Орал қалалық мешітінің наиб имамы Бейімбет Дүйсенәлі: «ҚМДБ-ның Бас мүфтиі Ержан қажы Малғажыұлы «Мектепке жол» атты дәстүрлі қайырымдылық акциясы жариялағалы жер-жерлерде мешіттердің қолдауымен игі бастама жалғасын тауып жатқандығын және бүгінгінің бүлдіршіні ертеңгі ел азаматы екендігін ескеріп, жасөспірімдерге жіті назар аударылуда», – деді.

БҚО ішкі саясат басқармасы, Азаматтық альянс жастары және ҚМДБ өкілдігінің бастамасымен өткен шараға «Шаңырақ» жасөспірімдер үйі тұрғындары қайырымдылық акциясын ұйымдастырушыларға өз қуаныштарын білдіріп, ризашылықтарын айтты.

Орал қалалық мешітінің
баспасөз қызметі