Ақмола облысы Аршалы ауданы жамағатын қуанышқа бөлеген жағымды жаңалық жетті. Астана қаласынан бір топ кәсіпкер аудан орталығында мешіт, асхана және имамға үй салып беруді ұйғарып отыр.

Жақында астаналық кәсіпкерлер және аудан әкімі Жомарт Нүркенов мешіт салынатын жерге қазық қағып, алғашқы іргетасын қалау рәсімін өткізді.

Ислам дінінде мешіт салған адамға о дүниеде де сарай салынатыны айтылады. Ертеңгі күннің қамын ойлап, мешіт салуды ұйғарған абзал жанға тек жақсылық тілейміз. Тілек-дұғалары да қабыл болып, Алла оған жар болсын деген тілегімізді жолдаймыз.

Бақыт СМАҒҰЛ