Рақымды да мейірімді Алла тарапынан келген Ислам діні – күллі әлемге мейірім төгуші хақ дін. Пайғамбарымыздың өзі адамдардың ең мейірімдісі етіп жіберілген. Ол жайлы Құранда: «Біз сені бүкіл әлемге тек рақым етіп қана жібердік», – делінген.

Сондықтан, рақымдылықтың қайнар көзі болған мұсылмандар пайғамбарымыздың  осындай көркем ахлағынан үлгі ала отырып, адамдардың ең мейірімдісі, әрі рақымдысы болуға тиісті. Осыған орай, Аягөз қалалық мешітінің жастар бөлімінің ұйымдастыруымен «Рамазан – мейірімділік айы» атты қайырымыдылық акция ұйымдастырылып, тұрмыс жағдайлары төмен бірнеше отбасына күнделікті тұрмысқа қажетті азық-түлік таратылды.

«Біз мешіттен келдік, Рамазан айы құтты болсын!», – деген, жылы лебізді жастарға қайырымдылық жасалынған үй иелері ризалықтарын білідіріп, шексіз алғыстарын айтты.

Аягөз қалалық мешітінің
баспасөз қызметі