Қасиетті Рамазан айындағы қайырлы істердің бірі – Құран Кәрімді оқу және  тыңдау.

Бір хадисте: «Қандай да бір қауым Алланың үйінде жиналып Алланың Кітабын оқып, араларында үйренсе, оларға тыныштық түседі, Алланың мейіріміне бөленеді, оларды періштелер қоршайды және Алла оларды қасындағылардың жанында еске алады» - деген.

ҚМДБ-ның Атырау облысы бойынша өкілі, «Иманғали» орталық мешітінің бас имамы Батыржан Берденұлының ұйымдастыруымен арнайы Түркия елінен келген Джағфар Иылдыз есімді қари жергілікті уақыт бойынша сағат: 12.00-де ер және әйел жамағатына Құран Хатым оқып жатыр. Қасиетті кітапты оқу және тыңдау арқылы Алла тағаланың мейіріміне бөленген жамағаттың қуанышында шек жоқ.

«Иманғали» орталық мешітінің 
баспасөз қызметі