Алматыдағы «Орбита» мешітінің Бас имамы Асан Тілеубердиевтің бастамасымен Алла үйінде Ислам құндылықтарымен сусындап жатқан мектеп жасындағы балалар Орталық мешітті аралап, хайуанаттар бағын тамашалады.

Биыл «Орбита» мешіті 50-ден астам балаға имандылық дәрістерін жүргізуде. Оларға пайғамбарымыздың (с.ғ.с.) өнегелі өмірі, дұға жасау, ата-ананы құрметтеу, үлкенді сыйлау, әдеп сынды жақсылыққа үндейтін сабақтар беріледі. 

«Мақсатымыз – балаларды жақсы азамат болып өсуге тәрбиелеу. Бүлдіршінді жас кезінен имандылыққа тәрбиелеп, бойына жақсы қасиеттерді ұялата білсек, ол жақсы азамат болып өседі», – дейді бас имам Асан Тілеубердиев.

«Орбита» мешітінің баспасөз қызметі