Дін істері басқармасының басшысы Жорабек Дәуренов кешегі сұрапыл соғыста оқ пен оттың ортасында жүрген жауынгер аталарымызға бүгінгі тәуелсіздіктің ақ таңында зор құрмет көрсетілу керек екендігін айтып, қарияларды алдағы келе жатқан Жеңіс күнімен құттықтады. Ал, «Нұр Астана» мешітінің өкілі, наиб имам Асхат Сәлімов қарияларға Алладан амандық-есендік тілеп, бүгінгі бейбіт заман үшін жанын пида еткен қайсар қариялар ел жадында мәңгіге сақталатынын жеткізді.

Қала әкімдігі мен Дін өкілдері бүгінгі бас қосуда қарттарға арнайы дайындаған сый-сияпаттарын беріп, дастарқан жайды. Ас соңында наиб имам Асхат Сәлімов сұрапыл соғыста қаза тапқан бабалар рухына бағыштап құран оқыды.