Наурыз айының 29-жұлдызында «Таугүл-3» мешітінің ұйымдастыруымен Бас муфти Ержан қажы Малғажыұлы хазіреттің биылғы жылды Дін мен дәстүр жылы деп атауына байланысты «Дін - дәстүрдің таразысы» атты тақырыпта мешіт жамағатымен кездесу болып өтті. Кездесуді «Таугүл-3» мешітінің Бас имамы Нұржан Таласұлы ашып берді. Келелі жиынға ҚМДБ-ның уағыз-насихат және ғаламтормен жұмыс бөлімінің меңгерушісі Ершат Ағыбайұлы қатысып 2014-жылдың «Дін мен дәстүр» жылы деп жариялануының мақсаты мен маңызын атап көрсетті. Сонымен қатар «Нұр-Мубарак Египет Ислам Мәдениеті» университетінің дінтану кафедрасының меңгерушісі PhD докторы Алау Әділбаев мырза да қатысып дін мен дәстүрдің сабақтастығын ғылыми түрде әңгімелеп берді.