Алматы қаласындағы «Әл-Хамид» мешітінің ұйымдастыруымен дінтанушы-ғалым Арман Қуанышбаевпен бірнеше кездесулер өткізілді. Ол жамағатқа уағыз айтып, халықты бірлік пен ынтымаққа шақырды. Алматыға арнайы шақырылған ғалым үш күн бойы студенттермен кездесіп, науқас жандардың жанынан табылды және мешіт жамағатымен жүздесті.

Қыздар педагогикалық университетінде өткен жүздесуде дінтанушы Арман Қуанышбаев студенттерді толғандырған сұрақтарға жауап берді. Сонымен қатар «Әл-Хамид» мешітінде жамағатқа уағыз айтты. «Қауым өзін-өзі өзгертпейінше, Алла оны өзгертпейді» деген тақырыпта өткен уағыздың соңы сұрақ-жауаптарға ұласты.