ҚМДБ-ның Қызылорда облысы бойынша өкілдігі орталық «Ақмешіт-Сырдария» мешітінде қала және аудан имамдарына жиналыс өткізілді. Өкіл имам Талғат Омаров күн тәртібінде қаралатын мәселелерге жеке-жеке тоқталып өтті.

1. Апталық есепті уақытылы жіберу
2. Имамдардың білімін жетілдіру семинары жайында.
3. Қайырымдылық бағыты бойынша
4. Мектеп оқушыларының 3-айлық демалысын тиімді пайдалану мақсатында жазғы діни сауат ашу курстарын ұйымдастыру.
5. «Нұр Мүбәрак» университетіне, медреселерге шәкірттер дайындау.

Сонымен қатар, ҚМДБ-ның төрағасы Бас мүфти Ержан Қажы Малғажыұлының тапсырмасымен келген хаттар талқыланып, әр имамға жеке-жеке тапсырмалар мен міндеттер жүктеді.

Бұл жиынның басым бөлігі мешіттердің жұмысын жақсарту мен имамдардың қызметіне бағытталды. Жиналыс барысында өзекті мәселелердің барлығына жеке-жеке тоқталып өтілді. Аудан және қала имамдарының ұсыныстары тыңдалып, Өкіл имам барлық имамдарға тапсырмалар берді.

Алла дін жолындағы қызметімізді жақсартып, сауапты істерімізді арттырсын!

Қызылорда облыстық
«Ақмешіт-Сырдария»
мешітінің баспасөз қызметі