ҚМДБ-ның төрағасы бас мүфти Ержан қажы Малғажыұлының тапсырмасы бойынша Семей орталық мешітінде Семей аймағына қарасты ауыл имам-молдаларын бұйрықтандыру және діни білімі мен біліктілігін анықтау мақсатында ҚМДБ-дан келген Дін істері бөлімінің меңгерушісі Камалжан Бекбосынұлы мен мешіт істер бөлімінің меңгерушісі Ербол Сағиұлы арнайы сынақтан өткізді. Емтиханға қатысқан 9 молда сынақтан сүрінбей өтті.

ҚМДБ-дан келген өкілдер бас мүфти Ержан қажы Малғажыұлы хазреттің «әр имамның кем дегенде бес шәкірт болу керек», - деген сөзін жеткізіп, оқу-ағарту жұмыстарын күшейтуге шақырды. Ауыл молдаларына дін жолындағы қызметтеріне табыс тілеп, діни біліктіліктері мен білімдерін жетілдіруге кеңес берді.

Семей орталық мешітінің
баспасөз қызметі