Ұлытау облысында Қазақстан мұсылмандары діни басқармасының ұйымдастыруымен дін қызметкерлеріне арналған кезекті Республикалық аттестаттау өтті.

Аталған аттестаттауға арнайы құрылған комиссия мүшелері қатысты. Атап айтқанда: Асан Әбдіқұлұлы Тлеубердиев – ҚМДБ Дін істері және талдау бөлімінің меңгерушісі; Хасан Ташайұлы Аманқұлов – ҚМДБ Діни білім және кадр дайындау бөлімінің меңгерушісі; Елбек Тасболатұлы Хожамуратов – ҚМДБ РАНТ мүшесі.

Республикалық аттестаттау барысында Ұлытау облысының дін қызметкерлері арнайы талаптар бойынша өз білімдері мен біліктіліктерін сынға салды.

Бұл аттестаттау – дін қызметкерлерінің кәсіби деңгейін арттыруға, олардың білімін жетілдіруге және халыққа сапалы діни қызмет көрсету ісін одан әрі дамытуға бағытталған маңызды шара.