Астана қаласында «Адалдық – Пайғамбар (ﷺ) өсиеті» атты рухани Мәуліт кеші аясында Қазақстан мұсылмандары діни басқармасының төрағасы, Бас мүфти Наурызбай қажы Тағанұлы ҚМДБ Жастар кеңесінің мүшелерімен және Астана қаласында жастар бағытында белсенділік танытып жүрген жастармен кездесті.

Кездесу барысында жастармен жұмысты жүйелеу, олардың қоғамдық бастамаларын қолдау және рухани-ағартушылық бағыттағы жобаларды жүзеге асыру мәселелері талқыланды.

Бас мүфти жастарға бағыт-бағдар беріп, ардақты Пайғамбарымыздың (ﷺ) өнегесін негізге ала отырып, білімді, жауапты және ел игілігіне қызмет ететін азамат болудың маңыздылығын атап өтті.