Астана қаласында «Адалдық – Пайғамбар (ﷺ) өсиеті» атты рухани Мәуліт кеші аясында «Мүфтият» баспасынан жарық көрген бес жаңа кітаптың тұсаукесер рәсімі өтті.

Атап айтқанда,«Мәулітті атап өтудің шариғи дәлелдері», «Пайғамбарымыздың балалық шағы», « Ислам және Адал қоғам», «Әжемнің насихаты», «Жұма уағызы» (6 том) атты еңбектер көпшілік назарына ұсынылды.

Салтанатты тұсаукесер рәсіміне Бас мүфти Наурызбай қажы Тағанұлымен бірге халық қаһарманы, генерал Бақытжан Ертаев, мемлекет және қоғам қайраткерлері Жабал Ерғалиев, Әлихан Байменов, ҚР Дін істері комитетінің төраға орынбасары Мақсат Раманқұлов жаңа кітаптардың тұсауын кесті.

Айта кетейік, Бас мүфтидің бастамасымен 2020 жылы «Мүфтият» баспасы құрылып, осы уақытқа дейін мұсылман қауымының діни сауатын арттыруға және рухани қажеттілігін өтеуге бағытталған кітаптар жарық көріп келеді.