Құрбан айт мерекесіне орай Қазақстан мұсылмандары діни басқармасының «Зекет және қайырымдылық» қоры жұмысшы мамандық иелеріне құрбандық етін таратты.

Қайырымдылық шарасы аясында қала тазалығының жұмысын қамтамасыз ету жолында аянбай еңбек етіп жүрген көше тазалаушыларына, жол жұмысшыларына және өзге де коммуналдық қызмет саласының өкілдеріне құрбандық еті үлестірілді.

Игі бастама еңбек адамдарына құрмет көрсетіп, қоғамда жанашырлық пен өзара қолдау мәдениетін нығайтуға бағытталды.