Қазақстан мұсылмандары діни басқармасының Төрағасы, Бас мүфти Наурызбай қажы Тағанұлының тапсырмасымен ашылған ҚМДБ ғимаратындағы «Қазақ даласындағы ислам тарихы» мұражайын ҚМДБ жанындағы Сарапшылар кеңесінің мүшелері аралады.

Іс-шараға Қазақстан Республикасы Мәдениет және ақпарат вице-министрі Рустам Әли мен Сарапшылар кеңесінің мүшелері қатысты.

Мұражайда қонақтарға қазақ жеріне ислам дінінің келу тарихы, оның рухани-мәдени дамуға ықпалы, тарихи тұлғалар мен діни мұраларға қатысты құнды жәдігерлер көрсетілді. Сонымен қатар экспозицияда халқымыздың діни танымы мен дәстүр сабақтастығын айшықтайтын тарихи деректер мен сирек материалдар қойылған.