Атырау облысына жұмыс сапарымен келген ҚМДБ «Халал даму» стандарттау және сертификаттау орталығының директоры Айбек Асқарбекұлы мен орталықтың технолог маманы Мейіржан Бауыржанұлы жергілікті кәсіпкерлер және имамдармен кездесті.

Жиынды облыстың Бас имамы Болатбек Ұласқанұлы ашып, халал саласының қоғам үшін маңызын атап өтті.

Басқосуда өнімдердің құрамы мен қоспалары, тұтыну жолдары, халал стандарттарының талаптары және сертификаттау үдерісі жан-жақты түсіндірілді.

Кездесу соңында бірқатар атыраулық кәсіпорындарға ҚМДБ «Халал даму» орталығының ресми сертификаттары табысталды.