Атырау қаласындағы «Иманғали» орталық мешітінің 25 жылдық мерейтойына орай Мәуліт мерекесіне арналған «Жүректерге түскен нұр» атты рухани кеш ұйымдастырылды. Шараға ҚМДБ Әйел-қыздар секторының меңгерушісі Динара Нұрғалиева мен Алматы облысы бойынша сектор жетекшісі Назерке Жаналиева арнайы қатысты.

Кеште облыстың Бас имамы Болатбек Ұласқанұлы Мәуліттің мән-маңызына тоқталып, Пайғамбарымыздың (оған Алланың салауаты мен сәлемі болсын) өнегелі өмірінен тағылым алуға шақырды. Мешітке ұзақ жылдар қызмет еткен аналарға алғыс хаттар табысталды.

Динара Нұрғалиева «Отбасы құндылығы: әйелдің қоғамдағы орны» тақырыбында насихат жүргізсе, Назерке Жаналиева «Қарты бар үйдің қазынасы бар» атты тәлімді ойымен бөлісті. Жамағат қыздары сахналық қойылым қойып, ақ жаулықты әжелер ақ бата берді.