Бүгін Астанада Бас мүфти Наурызбай қажы Тағанұлының төрағалығымен арнайы жиын өтті.

Басқосуда форумды жоғары деңгейде өткізуге қатысты ұйымдастыру мәселелері жан-жақты талқыланып, дайындық жұмыстары пысықталды.

Имамдар форумында дәстүр мен шариғатты үйлестіретін «Құдайы ас беруде ысырапқа жол бермеу» құжаты мен «Қазақ даласындағы отбасы құндылығы» тұғырнамасы қабылданады. Бұл құжаттар діни рәсімдердің бірізділігін қалыптастырады, – деді Бас мүфти Наурызбай қажы Тағанұлы.

Сондай-ақ, жиын аясында өңірлерде жаңадан ашылатын бірнеше мешітке атау беру мәселесі көтеріліп, ұсыныстар қаралды.