Елордада Қазақстан мұсылмандары діни басқармасының ұйымдастыруымен өткен «Жастар – руханият шамшырағы» ІІ республикалық Жастар форумының екінші бөлімінде сала мамандары тәжірибелерін бөлісті.

Атап айтқанда, спикерлер – ҚМДБ Уағыз-насихат бөлімінің меңгерушісі, РhD доктор Батыржан Мансұров «Әкенің перзент алдындағы міндеті», педагог-тренер, адами капиталды дамыту менеджменті бойынша жетекші маман Ескендір Бестай «Мотивация: Марапатпен жазалау салдары», заңгер, «Қарапайым құқық» кітабының авторы, «Алаяқ.нет» жобасының жетекшісі Нұрсұлтан Орынбек «Цифрлық сауаттылық және жауапкершілік», нетворкер, «Altyn kopir», «100 Leader» жобаларының негізін қалаушы Алмас Қылыш «Нетворкинг. Мүмкіндіктер адамдар арқылы келеді» тақырыптарында баяндама жасап, жастарға ақыл-кеңестерін жеткізді.

Бала тәрбиесінің имани бастаулары, ұрпақ тәрбиесіндегі қазіргі педагогикалық тәсілдер, жастарды алаяқтардан сақтандыру, қоғаммен қарым-қатынас орнатудың әдептері сынды мәселелер бойынша өз тәжірибелерін бөлісті. Сонымен бірге, еліміздің түкпір-түкпірінен келген жастар спикерлерге сауалдарын қойып, тұшымды жауап алды.