Қазақстан мұсылмандары діни басқармасының Орталық аппаратында наиб мүфти, Шариғат және пәтуа бөлімінің меңгерушісі Сансызбай Құрбанұлы Proportunity жылжымайтын мүлік қорының төрағасы Арман Баев мырзамен кездесті.

Кездесуде исламдық қаржыландыру, дәстүрлі банктерден ислам терезесін ашу және т.б. мәселелер талқыланды. Proportunity жылжымайтын мүлік қорының төрағасы Арман Баев алдағы уақытта исламдық қаржыландыру аясын дамыту үшін дөңгелек үстел ұйымдастырып жатқанын айтты. Сөз барысында аталмыш жиынға банк өкілдерімен құрылыс компанияларды, сонымен қатар Қазақстан мұсылмандарының қара шаңырағы болған мүфтият өкілдерін шақыруға арнайы келгенін атап өтті.