ҚМДБ «Мұнара» телеарнасы қажылықтың барлық шарттары көрсетілген «Қасиетті сапар» толықметражды фильмін дайындады.  

Фильмде қажылықтың құндылығы, ниет, ихрам халі, тәлбия айту, тауап жасау, сағи, зәмзәм суының қасиеті, Арафатта тұру, Мина мен Мұздалифа, жамаратқа тас ату сынды қажылықтың парыз, уәжіп амалдары толық қамтылған.

Бұдан бөлек, Діни басқарма ұстаздары қасиетті мекендегі Хира үңгірі, Саур тауы секілді ерекше орындар жайлы айтады. Фильмде қажылыққа ниет еткен жандар үшін ең қажетті ақпарат қамтылды.