Таң

Күн

Бесін

Екінті

Ақшам

Құптан

КӨК ТУЫМЫЗ КӨКТЕ ЖЕЛБІРЕП, ӘНҰРАНЫМЫЗ ӘРКЕЗ ШЫРҚАЛА БЕРСІН

ҚМДБ Баспасөз қызметі muftyat.kz 04.06.2022 4039 0 пікір
КӨК ТУЫМЫЗ КӨКТЕ ЖЕЛБІРЕП, ӘНҰРАНЫМЫЗ ӘРКЕЗ ШЫРҚАЛА БЕРСІН

Наурызбай қажы ТАҒАНҰЛЫ,
ҚМДБ Төрағасы, Бас мүфти

4 маусым – мемлекеттік рәміздер күні. Бұл – жастарымызды отаншылдыққа тәрбиелеудің орайлы сәті.

Асыл дініміз Ислам рәміздерге ерекше мән береді. Ардақты Пайғамбарымыз Мұхаммед (оған Алланың салауаты мен сәлемі болсын) мұсылман үмбеті үшін маңызды оқиғалар кезінде ту мен жалау ұстаған. Хадис ғалымдары өз кітаптарында ту мен жалауға қатысты арнайы тарау арнаған.

Отан – құрмет пен бағалауға лайықты құндылық. Әнұранымыз шырқалғанда орнымыздан тұрып, құрмет көрсететініміз сондықтан. Бұл – мұсылман мемлекеттерінде көрініс тапқан жақсы үрдіс. Шариғатымыз мемлекеттік ту көтерілгенде, әнұран орындалғанда құрмет көрсетуге рұқсат береді.

Мемлекеттік рәміздер – әр азаматқа ерекше жігер мен патриоттық сезім сыйлайтын құндылықтар. Көк туымыз көкте желбіреп, әнұранымыз әркез шырқалып, елтаңбамыз елдігіміз бен бірлігіміздің символына айналғай.

Алла Тағала ұрпағымызды иманды, ұлтжанды етіп, еліміз бен жеріміздің болашағы жолында аянбай еңбек ете беруін нәсіп еткей. Тәуелсіздігіміз тұғырлы, халқымыз ғұмырлы болғай. Әмин!

Пікірлер (0)

Тіркелген қолданушылар ғана пікір қалдыра алады. Сайтқа кіру