Қазақстан мұсылмандары діни басқармасының «Хәкім Абай» кітапханасында «Зейін» оқырмандар клубының ұйымдастыруымен танымал саяхатшы-блогер, психолог Динара Болатпен кездесу өтті.

41 елде болған жиһанкез блогермен кездесуге елордалық жастар, студенттер қатысып, «Өмірге шексіз ғашық» кітабының мазмұнымен танысты. Динара Болат өмірге шексіз ғашық болу, бақыттың кілті, саяхаттаудың адам өміріне пайдасы жайлы сөз қозғады.

Кездесу соңында спикер оқырмандар сұрақтарына жауап беріп, өзінің авторлық кітабын табыстады.