Республикалық имамдардың білімін жетілдіру ислам институтының қараша-желтоқсан айлары аралығында жоспарланған тыңдаушы имамдарына “Халал стандарттау” пәні бойынша дәріс беріледі.

Оқу бағдарламасы бойынша іс-тәжірибе ретінде Халал сертификатын алған кәсіпорындарға саяхат жасалады. Осы орайда Алматы облысы, Іле ауданында орналасқан “Алель Агро” құс фабрикасына ұйымдастырылды.

Аталмыш құс фабрикасы ҚМДБ Халал сертификатының стандарттарына сәйкес жұмыс жүргізіп келеді. Тәулігіне 90 000 ға жуық тауықты “Бисмиллә, Аллаһу Әкбар” деп қолмен бауыздайтынын, одан ары қарай әрбір іс барысының қалай жүзеге асатынын бақылап, көкейдегі мазалап жүрген сұрақтарына жауап алып қайтты.

Бауыздауға жауапты етіп бекітілген халалтанушы Несіпбаев Нұрлан және Алматы қаласы бойынша жауапты өкіл Ержан Назарбек имамдарымызды фабриканың тыныс тіршілігімен таныстырды.