ҚМДБ-ның негізгі қызметтерінің бір бағыты – дәстүрлі емес діни ағымдармен күрес, оның алдын алу, тұрғындарды ақпараттандыру болып саналады.

Осы орайда, орталық «Ақмешіт-Сырдария» мешітінің жылдық жоспарына сәйкес Қызылорда қаласындағы жалпы білім беретін оқу орындарында мешіт имамдарының, дінтанушылардың оқушылармен кездесуі ұйымдастырылды.

№1, 6, 9, 11, 23 мектептерде өткен кездесулерге орталық «Ақмешіт-Сырдария» мешітінің найб имамы Б.Улжаев, қалалық «Ыбрайым молда» мешітінің бас имамы А.Жұбанов, дінтанушы Ж.Дәрібаевтар қатысты.

Мектеп оқушыларына түрлі ағымдардан сақтану жолдары, хақ дін Ислам дінінің құндылықтары жайлы уағыз-насихаттар айтылды.

Өз кезегінде мектеп оқушылары мамандардан өздерін толғандырған сұрақтарына жауап алып, пікір алмасты.   

Қызылорда облыстық «Ақмешіт-Сырдария»

мешітінің баспасөз қызметі