2015 жылдың маусым айының 18-жұлдызында қасиетті Рамазан айының алғашқы күні. Биылғы Рамазан маусымның 18-нен шілденің 16-на дейін жалғасады. Оразаның жалпы уақыты - 29 күн.

Қазақстан бойынша пітір садақаның құны жан басына 200 теңге болып бекітілді. Пітір садақа Ораза айт намазына дейін берілуі тиіс.

17 - шілде (жұма) күнi Ораза айт мейрамы басталады. 

Әбу Хұрайраның (р.а.) риуаят етуінше, Пайғамбарымыз (Алланың оған игілігі мен сәлемі болсын) былай деген: «Кімде-кім Рамазан айында шынайы сеніммен, сауапты бір Алладан ғана күтіп, ораза ұстаса, бұрын-соңды жасаған күнәлары түгелдей кешіріледі». (Бұхари, Саум 6; Мүслим, Сиям 203.)

Рақым айы – Рамазан құтты болсын! Қасиетті айда ұстаған оразамыз, жасаған дұға-тілектеріміз, құлшылық-ғибадаттарымыз, әрбір қайырлы амалдарымыз қабыл болғай! Рамазан айында жасаған амалдарымыз бен ізгі ниеттерімізді Алла Тағала қабыл етіп, сауапты істеріміз әрдайым жалғаса бергей!

muftyat.kz