Бүгін Бас мүфти Ержан қажы Малғажыұлы Алматыдағы республикалық Әбу Ханифа атындағы медресе шәкірттеріне дәріс берді.

Бас мүфти түлектерге үкім берудің, пәтуа шығарудың қыр-сырын тәптіштеп түсіндірді. Сонымен қатар, уағыз айтуда мән берер жайттарға да тоқталды.

«Ислам – әр мәселеге мұқият қарауды үйрететін кемел дін. Дінімізде барлық мәселенің шешімі бар. Ол үшін көп ілім алып, ұстаздардан тәлім үйренуіміз қажет. Мешітке сұрақпен келген адамдарға толыққанды жауап беру үшін де жан-жақты білім керек. Пәтуа берген кезде тек шариғат дәлелдерімен ғана шектелмей, түрлі ғылыми зерттеулерге сүйене отырып, үкім бергеніміз дұрыс», – деді дәрісте Бас мүфти.

Дәріс соңында Ержан қажы Малғажыұлы медресе шәкірттеріне ілім алудың артықшылықтары туралы насихат айтып, оқуда озат болуға шақырды.   

www.muftyat.kz