Қазақстан мұсылмандары діни басқармасының жанынан құрылған Республикалық ақпараттық-насихат тобының мүшелері Мақсатбек Қайырғалиев пен Бауыржан Отарбаев Солтүстік Қазақстан облысында өз жұмысын бастады. Ең алдымен РАНТ мүшелері Облыстық «Қызылжар» орталық мешітінде имамдармен кездесіп, атқарылатын іс-шаралар жоспарымен танысты. Петропавл қалалық ЕС 164/3 түзету мекемесінде жазасын өтеушілермен кездесті. РАНТ мүшелері облыстық «Қызылжар» орталық мешітінде мұсылмандар арсында сүйіспеншілік, мейірімділік пен бауырмашылдық жайлы уағыз айтты.

Екінші күнгі жоспар бойынша РАНТ және жергілікті ақпарат-насихат тобы мүшелері, оның ішінде жергілікті имамдар, Дін істері басқармасынан өкіл және «Көз жету» ҚҚ-ның басшысы, 2 топқа бөлініп, аудан-ауданда ақпарат-насихат жұмыстарын жүргізді. Атап айтсақ, облысымызға қарасты Ғ.Мүсірепов, Айыртау, Уәлиханов, Тайынша, Ақжар аудандарында жергілікті жамағатпен кездесіп, халықты имандылыққа, мейірімділікке үндейтін ғибратты уағыз айтты. 

«Қызылжар» орталық мешітінің 
баспасөз қызметі