«Ханнәби» мешiтi

 Тарбағатай ауданы Жаңаауыл ауылында салынған. Құдай үйін 1994 жылы бүкіл ауыл жұртшылығы болып тұрғызды. 90 адамға арналған. Жалпы көлемi 143 шаршы метр, ғимаратта намаз оқитын бөлме, имамның бөлмесi орналасқан. Мұнарасының биiктiгi 9 метр. Құлшылық орнын тұрғызуға сол кездегі ауыл молдасы Ханнәби ақсақал ұйытқы болды. Ол кісі 80 жасында қасиетті рамазан айында дүниеден өтті. Мешітке сол ақсақалдың есімі берілді.