Таң

Күн

Бесін

Екінті

Шам

Құптан

«Әзірет Сұлтан» мешітінде «Рамазан орталығы» ашылды

muslim.kz 07.05.2019 712 0 пікір

Бүгін Нұр-Cұлтан қаласындағы республикалық «Әзірет Сұлтан» мешітінде жамағатқа қасиетті Рамазан айына қатысты ақпарат таратып, артықшылығы мен қадір-қасиетін жете түсіндіру мақсатында «Рамазан орталығы» өз жұмысын бастады. ҚМДБ төрағасының бірінші орынбасары, наиб мүфти Наурызбай қажы Тағанұлының бастамасымен іске қосылған орталық жұмысы жамағаттың ризашылығын тудырып, насихат жұмыстарын жандандыра түсті.

Жамағаттың оразаға оң ниетін оятып, ықыласын арттыра түсу мақсатында іске қосылған «Рамазан орталығында» оразаның қағидалары мен ережелерін түсіндіретін түрлі бүктемелер мен ақпараттық парақшалар, намаз және ораза кестелері таратылатын болмақ. Сондай-ақ, жамағат сұрақтарына қазақ және орыс тілдерінде жауап беретін арнайы қызметкерлер бекітіліп, Рамазан айының алғашқы он күні бойы жұмыс жасайтын болады.

Айта кетейік, бұдан бөлек Рамазан айы бойы «Әзірет Сұлтан» мешітіндегі Call Орталық қызметкерлері оразаға қатысты барлық сауалдарға жауап беретін болады: 8 (7172) 33 30 30.

Пікірлер (0)

Тіркелген қолданушылар ғана пікір қалдыра алады. Сайтқа кіру


Соңғылар

Мұрағат