Таң

Күн

Бесін

Екінті

Ақшам

Құптан

БҚО: Бас имам – Бөрлі ауданында

БҚО өкілдігінің баспасөз қызметі 18.11.2019 3027 0 пікір
БҚО: Бас имам – Бөрлі ауданында

ҚМДБ-ның БҚО облысы бойынша бас имамы Мұратбек Қыстаубаев өңірлік мешіттердің тыныс-тіршілігімен танысу мақсатында  Бөрлі ауданы Ақсай қалалық мешітіне арнайы іс-сапармен барды.

Сапар барысында бас имам Бөрлі ауданы әкімінің орынбасары Еркебұлан Ихсановпен жүздесті. Кездесу барысында ел аумағындағы діни ахуал жайын сөз етті. Сондай-ақ  Мұратбек Қыстаубаев Ақсай қалалық мешітінің жамағатымен жүздесіп, мұсылманның тұлабойында табылуы тиіс негізгі жеті көркем сипатты қамтитын «Жеті рухани қазық» тұғырнамасын түсіндіріп, «Салиқалы әйелдің сипаты» тақырыбында уағыз айтты.

Бас имам өз сөзінде: «Халқымыз «Отан – отбасыдан басталады» деген. Кез келген қоғамның маңызды институттарының бірі – отбасы. Ал отбасы мен қоғамның тұрағы – әйел. Баланың иманды, ер-жігіттің ұстамды болуына әйелдің әсері өте көп. Ертең ел басқаратын, халықты жақсылыққа бастап, имандылыққа ұйытатын тұлғалардың өмірге келуіне әйелдер үлкен себепкер болады. Абдуллаһ ибн Амр әл-Ас (р.а.) жеткізген хадисте былай делінген: «Пайғамбарымыз (оған Алланың игілігі мен сәлемі болсын): «Бұл дүние (мен оның ішіндегі нығметтердің бәрі де) уақытша берілген. Ондағы нығмет атаулының ең абзалы – салиқалы әйел». Әйел салиқалы болса, отбасы түзеледі. Отбасы түзелсе, ел түзеледі. Ел түзелсе, имандылық, ізгілік, қайырымдылық, жанашырлық, адамгершілік секілді құндылықтар салтанат құрады. Имандылық салтанат құрған қоғамның берекесі мен бірлігі, жақсылығы артады. Жақсылығы артқан ел бақытты өмір сүреді. Алла Тағала баршамызға бақытты өмір сүруді нәсіп етсін!» деп өз сөзін қорытындылады.

Сонымен қатар бас имам сапар барысында ауыл ақсақалдарымен кездесіп, Бөрлі ауылдық мешітінің де жай-күйімен танысты. 

Пікірлер (0)

Тіркелген қолданушылар ғана пікір қалдыра алады. Сайтқа кіру