Маңғыстау облысы Мұнайлы аудандық «Ар-Рахман» мешітінде әйелдер-қыздар секторының ұйымдастыруымен Мәуліт мейрамы аталып өтті.

Жансая Сейтімова, Ұлдаулет Сәрсенбаева ұстаздардың ұйытқы болуымен өткен рухани шараға алпысқа жуық мешіт жамағатынан жиналған қыз-келіншектер мен әжелер қатысты.

Ұстаздар Пайғамбарымыздың (оған Алланың салауаты мен сәлемі болсын) өнегелі өмірінен уағыз-насихат айтып, шараға қатысқандарға сыйлықтар үлестірді.

Кеш барысында ұстаздар шәкірттермен бірігіп Мәуліт жырын жырлады. Тәлімдік және танымдық мәні зор мерекелік отырыс соңында ақ жаулықты әжелер ақ бата берді.